CEBU, Philippines – Usa ka lalaking gikan nag-disco ang namatay human kini giatangan ug gidunggab sa usa ka wala mailhing lalaki samtang paingon na kini mouli sa Barangay Logon Proper, Daanbantayan.
Nadala pa sa tambalanan ang biktima nga si Nestornito Yordan Delicanao, 35, human kini nakit-ang nagbuy-od sa dalan ug nagtinga na, apan nakabsan gihapon kini sa kinabuhi.
Sumala pa nga nakadagan pa ang biktima palayo sa lugar diin siya gidunggab apan nahagba kini. Padayon pang gisusi sa kapolisan ang motibo sa maong pagpatay. – /EIM) (BANAT NEWS)