CEBU, Philippines - Usa sa mga gidudahang suspek sa pag-ambush ug pagkaangol ni Iligan Rep. Vincent Belmonte Jr. niadtong Huwebes, nadakpan sa lungsod sa Laguindingan, Misamis Oriental.
Ang suspek giila sa kapolisan nga si Dominador Tumala, 52, taga Sergio Osmeña sa Zamboanga del Norte.
Mitakdo ang iyang dagway sa artist sketch sa National Bureau of Investigation ug gikompirmar sa mga testigo nga usa kini sa mga mi-ambus sa opisyal.
Tulo ka mga sakop ni Belmonte ang nakalas samtang laing duha usab ang naangol sa maong hitabo. Gidudahang politika ang hinungdan niini. (BANAT NEWS)