CEBU, Philippines – Nagkalainlaing kalihukan sama sa libreng duaw sa Museum Cathedral, Jesuit House ug Val San Diego’s House alang sa mga tinun-an atol sa Kasadya sa Downtown nga pasiugdahan sa kagamhanan sa dakbayan sa Sugbo.
Ika-napulo na ka tuig karon ang Kasadya sa Downtown nga gisugdan ni Mayor Michael Rama niadtong 2010 dihang bise mayor pa siya sa dakbayan.
Ang Kasadya sa Downtown karong tuiga adunay tema nga, “Colon: Dalan sa Kalinaw, Kalambuan ug Kasadya.”
Duawon ang mga historical landmarks nga adunay dakong papel sa paglambo sa siyudad sukad pa kaniadto gikan sa labing karaan nga dalan sa nasud nga mao ang Colon.
Ipahigayun usab ang nagkalainlaing Christmas Story Station nga dumalahon sa mga establesemento sa dalan Colon.
Tambongan ang kalihukan sa nagkalainlaing tunghaan sa dakbayan, kabarangayan, Knights of Columbus, Interfaith sector, peace sector, National Commission on Muslim Filipinos, Datus Alimaong, business sector, ug mga kawani sa dakbayan sa Sugbo. – /GMR) (BANAT NEWS)