CEBU, Philippines – Gipalapdan sa Mandaue Vendors Multi-Purpose Cooperative (MAVENCO) ang ilang serbisyo ngadto sa mga vendors sa merkado publiko sa Consolacion ug dakbayan sa Lapu-Lapu. Si Mariolito del Castillo, chief operation officer ug general manager sa MAVENCO, miingon human sa ilang pagpahimutang og mga sangang buhatan, isunod nila ang dakbayan sa Talisay.
Matud ni del Castillo nga daghan na sab sa mga namatigayun sa merkado publiko sa Tabunok, dakbayan sa Talisay ang nagtinguha sa ilang serbisyo sa MAVENCO hinungdan sa ilang pagpasakop.
Nasayran nga ang nahisgutang kooperatiba sa mga naninda sa merkado publiko sa dakbayan sa Mandaue maoy ikatulo nga malamboon nga kooperatiba sa dakbayan nga nagbaton na karon og minilyon nga salapi gawas sa naangkong mga katigayunan niini. – /GMR) (BANAT NEWS)