CEBU, Philippines – Nahimo na lang usa ka tropical cyclone ang bagyong "Ruby" samtang nagkaduol kini sa National Capital Region, sumala pa sa Philippine Atmospheric, Geophysical and Astronomical Services Administration (PAGASA) kagahapon sa buntag.
Si PAGASA forecaster Chris Perez miingon nga ang bugnaw nga hangin ug uga kaayong hanging amihan ang misagot sa bagyong Ruby nga maoy hinungdan sa paghinay niini.
Sumala pa sa PAGASA, nagdala na lang si Ruby 105 kilometers per hour (kph) nga hangin duol sa sentro ug huros sa hangin nga 135 kph ug nag-irog sa gikusgon nga 10 kph padung kasadpang amihanang kasadpan.
Mitugpa kini sa ikatulong higayon sa Torrijos, Marinduque ug ang ikaupat nga landfall sa Batangas province alas 6 hangtud alas-8 kagabii.
Gipaabot nga mogawas sa kayutaan si Ruby sud sa 24 oras ug mogawas sa Philippine Area of Responsibility sa Huwebes sa gabii.
Tungod sa bagyo, 194 ka mga domestic ug international flights sa Manila International Airport Authority (MIAA) ang nakanselar.
Ang naapektahang mga flights mao ang sa AirAsia Zest, Cebu Pacific, Jet Star ug Philippine Airlines Express. (Philstar.Com/EIM) (BANAT NEWS)