CEBU, Philippines - Nigahin ang kagamhanan sa dakbayan sa Sugbo og P1.8 milyones nga ipalit og biseklita aron iapod-apod sa mga bukirang barangay.
Kini kuhaon sa Pagcor Funds base sa giaprobahan nga resolusyon sa konseho nga giduso ni Konsehal Noel Eleuterio Wenceslao.
Ang konseho sa dakbayan nipasar sa resolusyon sa pagpalit sa 92 ka biseklita ug gi-uyonan usab ni Mayor Michael Rama.
Ang matag usa ka biseklita mobalor og P20 mil. Ang Pagcor Funds gamiton lang sa kagamhanan sa mga proyekto sama sa pagpalambo sa peace and order. (BANAT NEWS)