CEBU, Philippines - Wala pa’y na-monitor nga grupo nga posibling mopahimulos sa Pasko ang Regional Intelligence Division (RID).
Matud sa hepe sa RID, Sr. Supt. Paul Labra, nga sugod pa niadtong buwan sa Abril nagpadayon ang ilang pagpangita sa grupo sa mga tulisan nga ania sa Sugbo. Tulo ka grupo ang ilang gisundan karong panahona nga naglihok sa Sugbo. Sa samang kalamboan, ang direktor sa Police Regional Office-7, Chief Supt. Prudencio Bañas, nimando sa tanang city ug provincial directors sa kapolisan nga pahugtan pa ang paghimo og checkpoints sa nagkalain-laing bahin sa Sugbo.
Ipa-monitor usab ang mga lugar kung asa may mga pamatigayun nga nahimutang ug segurohon nga dunay mga polis sa maong mga lugar.
Samtang si Cebu City Police Office Director, Sr. Supt. Noli Romana, miingon nga ang intelligence branch sa CCPO ang padayun sab nga mipahugot sa monitoring ilabina sa impormasyon sa grupo sa mga tulisan. (BANAT NEWS)