CEBU, Philippines - Mukabat na sa 300 ka kabataan sa kabus nga pamilya sa dakbayan sa Mandaue ang nakapahimulos sa scholarship program ni Konsehal Emmarie “Lollipop” Ouano-Dizon.
Si Dizon kuyog sa iyang amahan nga si Bokal Thadeo Ouano sa pagpirmahay sa memorandum of agreement tali sa University of Cebu Lapu-Lapu and Mandaue (UCLM) alang sa dugang 50 ka scholars.
Kini ubos sa “Edukasyon Mo, Pangandoy Ko Program” ni Dizon nga gigastohan sa kaugalingong kwarta nga kantidad sa P1.5 milyones.
Ang mga scholars ni Dizon anaa nagtungha sa nagkalain-laing tunghaan sa kolehiyo sulod sa dakbayan sama sa UCLM sa Looc ug Larmen De Guia Memorial College sa Paknaan, Benedicto College sa Bakilid ug Cebu Saint Louie College sa Sudlon, Maguikay. (Romeo T. Limpangog/GMR)(BANAT NEWS)