CEBU, Philippines – Wala’y bisan usa sa mga konsehal sa dakbayan sa Toledo ang mikwestiyon sa 2015 annual budget nga giduso ni Mayor John Henry Osmeña.
Kini human giaprobahan na sa konseho ang budget nga mokabat sa P869,116,000 sa kinatibuk-an atol sa niaging sesyon.
Una’ng gituki sa committee on finance and appropriation ang budget nga gipangulohan ni Konsehal Helen Jill Espinosa. Ang maong budget mas daku og kapin sa P200 milyones itandi sa nakalabay’ng tuig nga anaa lang sa P619 milyones. Gikalipay sa mga kawani sa City Hall ang dali nga pagpasar sa maong budget.
Karong tuiga nalangan ang pagpasar sa annual budget sa siyudad human gikwestiyon ngadto sa korte ang pag-aprobar niini. – /GMR) (BANAT NEWS)