CEBU, Philippines – Gipaila-ila sa nasud sa Israel sa mga negosyante sa Pilipinas ug sa Sugbo ang ilang teknolohiya sa patubig ug agrikultura.
Kini atol sa duha ka adlaw nga Economic Mission nga gipasiugdahan sa Economic and Trade Mission sa Embassy of Israel.
Nakig-alayon sa maong kalihukan ang Philippine Chamber of Commerce and Industry (PCCI) ug ang Cebu Chamber of Commerce and Industry (CCCI).
Ang kalihukan gipangulohan ni Israeli Ambassador Effie Matityau, PCCI honarary chairman Donald Dee ug CCCI president Tess Chan.
Matud ni Matityau nga tinguha nila ang pag-promote sa agro-technology sa Pilipinas.
Ang CCCI malaumon nga pinaagi sa water and agro-technology, mas mulambo pa ang farming business sa Sugbo. – /GMR) (BANAT NEWS)