CEBU, Philippines – Duha ka grupo sa mga tulisan ang giingong nagbanos-banos pagpanulis dinhi sa Sugbo sumala pa sa Police Regional Office-7.
Si Senior Superintendent Conrad Capa, deputy chief sa PRO-7 atol sa panagtagbo sa mga intelligence officer sa maong buhatan mibutyag nga dunay mga video footage gikan sa mga close circuit television (CCTV) sa mga establisamento nga nabiktima sa tulis, dinhi sa Cebu City, Mandaue, Toledo ug uban pa nga lugar.
Nabantayan sa kapulisan nga balikbalik lang ang gisuot sa mga tulisan nga mihimo sa pagpanulis, lakip na sa sapatos nga gisuot.
Nabantayan usab nga nag-upgrade ang mga tulisan kay kaniadto revolver lang ang armas sa unang pagpanulis apan apan sa uwahing mga nakuha nga video armado na sila og .45 pistols.
Ang kapulisan mihangyo sa katawhan nga tabangan sila pinaagi sa paghatag og impormasyon pinaagi sa mga numero nga: 0917 305 7396; 0917 629 3602; 0999 689 9112 ug mahimong motawag sa 254- 2289. Mipasalig si Capa nga dili mabutyag ang pangalan sa mohatag sa impormasyon. – /EIM) (BANAT NEWS)