CEBU, Philippines – Sugdan na sa kagamhanan sa dakbayan sa Sugbo ang pagpamutang og dayan-dayan sa Pasko sa kadalanan.
Si Mayor Michael Rama nipasalig nga hayag ang Pasko sa Sugbo sunod buwan.
Sugdan karong adlawa ang pagpamutang og Christmas decorations ug mga Christmas lights nga maoy magpahayag sa kadalanan sa Sugbo.
Nangayo si Rama og tabang sa pribadong sektor dili lang sa pagdayan-dayan sa Sugbo alang sa Pasko kun dili lakip na ang pagpangandam sa Asia-Pacific Economic Conference (APEC) sunod tuig ug ang International Eucharistic Congress (IEC) sa 2016.
Gitigum na ni Rama ang tanang department heads sa City Hall aron mahatagan og assignments aron maoy mogiya sa grupo nga mobutang sa dayan-dayan.
Lakip nga nahatagan og assignment si Konsehal Mary Ann delos Santos alang sa Kahayag sa Lahug kauban ang Marco Polo Plaza ug University of the Philippines. – /GMR) (BANAT NEWS)