CEBU, Philippines - Duha ka lalaki ang nasikop human nang-shoplift og kapin sa P20 mil nga balor sa sinina sa usa ka boutique sud sa mall sa dakbayan sa Sugbo.
Ang mga suspek nailhang sila si Elmer "Eke Alforas" Albapis Canlagok, 35, lumad nga taga Alegria, Surigao ug si Ferdinand Tabasa Alberio, 54, residente sa Sitio Bato, Brgy. Ermita, dakbayan sa Sugbo.
Ang duha ka suspek namatikdan sa tindera nga midiretso og gawas sa tindahan bitbit ang wala pa gibayran nga 26 ka buok nga nagkadaiyang t-shirts nga nagkantidad og P799 matag usa.
Dali kining gidakop sa mga security personnel sa mall gawas sa maong tindahan ug gidala kini sa kapolisan. (BANAT NEWS)