CEBU, Philippines - Nagtinguha ang kagamhanan sa dakbayan sa Mandaue nga mangutang og P600 milyones sa bangko alang sa pagpatukod sa bag-ong merkado ug ipalit sa Cebu International Convention Center.
Pagtrabaho sa kadalanan hangtud 2015 pa Molungtad pa hangtud sunod tuig ang pag-ugmad sa mga kanal ug kadalanan sa dakbayan sa Mandaue nga gipatuman sa Department of Public Works and Highways-7.
Gipahibawo ni Engr. Reynult Ricardo, assistance engineer sa 6th Engineering District sa DPWH-7, nga dili gyud nila mahuman ang proyekto karong tuiga.
Ubang gahin sa proyekto ang nalakip pa sa 2015 budget sa nasudnong kagamhanan.
Si Ricardo miingon nga ang proyekto nga ubos sa P50 milyones maoy gidumala sa ilang buhatan samtang ang labaw sa maong kantidad iya na sa DPWH-7.
Samtang si Architect Florentino Nimor, City Planning and Development Officer, miingon nga nakahasol gyud sa mga motorista ang dungan nga pagpangguba sa kadalanan sa dakbayan. Si Ricardo mipasabot nga ang dungan nga mga proyekto natigayun tungod usab sa pagpagawas sa nasudnong gahin ug ang nagbuot sa tanan mao ang ilang uluhang buhatan sa DPWH. (BANAT NEWS)