CEBU, Philippines - Patay ang usa ka konsehal sa lungsod sa Badian human nabangga ang gisakyan niini na motorsiklo sa laing motorsiklo sa National Highway sa Barangay Poblacion sa maong lungsod.
Ang namatay mao si Konsehal Carlylle Villarin, 44, taga Barangay Taytay, samtang angol ang iyang backrider niini nga si Dexter Ferolino, 29, ug naangol ‘sab ang drayber sa nakabangga nila nga motorsiklo nga si Jaime Bismanos, 26, taga Barangay Kalunasan, Cebu City.
Base sa imbestigasyon sa Badian Police nga gipangulohan ni Senior Police Officer 1 Emmanuel Caballero, si Bismanos paingon sa Badian Proper samtang ang motorsiklo ni Villarin ang paingon sa Taytay, Badian. Apan pag-abot sa maong lugar nagkabangga ang duha ka motorsiklo ug nangalukot ang mga sakay. Ang motorsiklo ni Bismanos napasok sa kanal. Dali unta nga gidala sa Badian District Hospital ang tulo apan si Villarin patay na pag-abot sa tambalanan. Samtang si Bismanos ang nalandig sab sa tambalanan, giimbestigar pa kun kinsay sad-an sa maong aksidente. (BANAT NEWS)