CEBU, Philippines - Naangol ang usa ka guwardiya nga padulong sa iyang trabaho sa Barangay Magay, lungsod sa Compostela dihang kalit lang gipusil sa wala mailhing lalaki.
Si Senior Police Officer 2 Pedro Enriquez sa Compostela Police Station miila sa biktima nga mao si Ramil Capuyan, 32, taga Barangay Poblacion, lungsod sa Carmen.
Matud pa ni Enriquez nga nagsakay sa iyang motorsiklo ang biktima padulong sa trabaho dihang gipusil sa nagsunod nga motorsiklo duha ka higayon.
Bisan nasamdan nakahimo pa kini sa pagpadagan sa iyang motorsiklo padulong sa ilang buhatan sa pagtaho sa maong hitabo.
Wala na maapsi pa sa mga mirespondeng polis ang mga gikatahapan samtang daling gidala sa Danao Provincial Hospital ang biktima. Wa pa matino sa kapolisan ang motibo sa maong pagpatay. (BANAT NEWS)