CEBU, Philippines - Bisan sa hulga sa El Niño phenomenon, mipasalig ang Metropolitan Cebu Water District nga dunay igong supply sa tubig ug dili angayang mabalaka ang publiko.
Gipahibawo sa MCWD nga duna sila’y giandam nga seven percent nga reserve mao nga kon mag-brown out ug wala’y kuryente normal ra gihapon ang supply sa tubig. Ang general manager sa MCWD, Engr. Ernie Delco, miingon nga gitagana gyud nila ang seven percent nga supply aron kon motumaw ang mga problema sama sa El Niño, dili magproblema sa supply sa tubig ang Metro Cebu.
Nasayran nga ang MCWD adunay 205,000 cubic meters nga supply matag adlaw.
Panahon sa El Niño, ang ibabaw nga dapit sama sa Nivel Hills, Guadalupe, Lahug ug Oprra maoy unang maapektuhan apan dunay reservoir nga giandam maong bisan og molanat pa og tulo ka buwan ang El Niño dili maapektuhan ang suplay sa tubig. (Decemay P. Padilla/GMR)(BANAT NEWS)