CEBU, Philippines - Sila si Vice Mayor Edgardo Labella ug pipila ka konsehal sa dakbayan gikatakda nga molarga karong adlawa paingon ngadto sa China aron motambong sa 18th China International Fair for Investment and Trade (CIFIT). Ang kalihukan ipahigayon sugod ugma hangtod sa Septiyembre 11, didto Xiamen, China. Giimbitar sila sa mayor sa Xiamen nga patambongon sa mao nga kalihukan.
Kauban ni Labella mao sila si Konsehal Dave Tumulak, Roberto Cabarubias, Nendell Hanz Abella, Noel Wenceslao, Gerardo Carillo ug Eugenio Gabuya, Jr. ingon man si Elmer Labella sa Public Information Office.
Gilauman sa konseho nga ang CIFIT makahatag og maayong oportunidad nga makaagni og mga langyaw nga investor nganhi sa dakbayan sa Sugbo. (BANAT NEWS)