CEBU, Philippines – Pormal na nga nilingkod sa katungdanan ang bag-ong Regional Director sa Department of Labor and Employment-7 nga si Director Exequiel Sarcauga, kinsa gikan sa Rehiyon-8.
Si Sarcauga mihulip kang Director Chona Mantilla kinsa idestino balik sa National Capital Region.
Gipahibawo ni Sarcauga nga suhito na siya sa Central Visayas tungod kay nahimo man siyang Assistant Regional Director sa DOLE-7 sa wala pa madestino sa DOLE-8.
Gitigum dayon ang mga provincial head sa DOLE-7 alang sa pag-upgrade sa mga gimbuhaton sama sa livelihood programs sa amihanan nga naapektohan sa bagyong Yolanda.
Gawas sa DOLE-7, si Sarcauga molingkod usab isip bag-ong chairperson sa Regional Tripartite Wages and Productivity Board-7. - /GMR) (BANAT NEWS)