CEBU, Philippines- Nagpabilin pa gihapong blangko ang kapolisan pag-ila sa mga mitulis usa ka delivery van sa sigarilyo diha sa Barangay San Vicente, Liloan nga diin ang drayber ug salesman gikandadohan sa sulod niini.
Si PO3 Jesson Gayo sa Liloan Police Station miila sa mga biktima nga sila si Charles Stephane Racho, 27,taga Barangay Tugbongan, Consolacion nga salesman sa PMPFC Distribution Company ug company driver niini nga si Noel Pojas, 29, taga San Remegio.
Matud pa ni Gayo nga nahitabo ang pagpanulis alas-10 niadtong Biyernes sa buntag samtang sila naghatud sa ilang mga baligyang sigarilyo sa ilang suking tindahan sa maong lugar.
Dugang pa ni Gayo nga sa pag-abli ni Racho sa luyong bahin sa ilang delivery van kalit kini nga gituparan sa duha ka armadong lalaki ug gitionan siya og armas dayong deklarar og tulis.
Matud pa gikuha sa duha ang P30 mil nga halin sa mga biktima ug ilang mga cellphone ug pagkahuman gimandoan sila sa pagsulod sa ilang delivery van ug gitipon sa gikamada nilang kinarton nga sigarilyo ug gikandadohan.
Si Gayo miingon nga nakagawas lang ang duha dihang gisigehan nila og bukbok ang ilang van gikan sa sulod ug dunay mga tawong nakamatngon nga daling mitabang pagpagawas kanila pinaagi sa pagguba sa padlock. - /EIM) (BANAT NEWS)