CEBU, Philippines- Gibutyag sa Philippine Atmospheric Geophysical and Astronomical Services Administration (PAGASA) nga Low Pressure Area maoy hinungdan kon nganong nakasinati ang Central Visayas og mga pag-uwan-uwan.
Matud sa pangu sa PAGASA Mactan Oscar Tabada nga ang LPA nasigpatan 45 kilometers South West sa Daet, Camarines Norte.
Gidugang ni Tabada nga makasinati ang Kabisay-an og pagpangdag-om ug usahay dunay sunny intervals. Gipaabot nga karong buntag mosubang na ang adlaw apan ini’g abot sa hapon makasinati og hinay nga uwan.
Sa adlaw’ng Huwebes hangtud na sa Sabado makasinati og kainit sa buntag samtang inig hapon dunay kusog nga pag-uwan, dugdog ug kilat.
Hinuon, gitataw ni Tabada nga gamay ra ang tsansa nga mahimong tropical cyclone ang Low Pressure Area. - /EIM) (BANAT NEWS)