CEBU, Philippines- Nisaka og 45 porsiyento ang nakolektang buhis sa dakbayan sa Sugbo sulod sa tulo ka tuig gikan sa 2011, 2012 ug 2013 itandi sa tuig 2007, 2008 ug 2009 sumala pa ni City Treasurer Diwa Cuevas.
Kini gilangkuban sa Real Property Tax (RPT) ug Business Tax (BT).
Si Cuevas nagkanayon nga sa tuig 2011, ang siyudad nakakolekta og P1.6 bilyones samtang sa tuig 2012 mikabat ngadto sa P1.7 bilyones ang nakolekta.
Sa tuig 2013 mikabat sa P1.9 bilyones ang nakolekta samtang gikan sa buwan sa Enero hangtud sa Hulyo ning tuiga, mikabat ngadto sa P1.5 bilyones na ang nakolekta.
Niadtong tuig 2007, 2008 ug 2009, kapin sa P1 bilyon lang ang nakolekta.
Sa tuig 2010 ang siyudad dunay nakolektang buhis nga P1.4 bilyones.
Si Cuevas nagkanayon nga midaghan karon ang mga business establishments sa siyudad ug ubay-ubay usab ang nagpatukod og mga condominiums. - /GMR) (BANAT NEWS)