CEBU, Philippines- Patay ang usa ka traysikol drayber human gipusil sa nagsakay og motorsiklo sa sitio Magtinabangay, barangay Tisa , dakbayan sa Sugbo kagahapon sa ala 1:35 sa hapon.
Ang biktima naila nga si Rogelio Lucino, 32, nagpuyo ra sa maong lugar.
Matud ni PO1 Joel Zamora sa homicide section sa Cebu City Police Office (CCPO) nga samtang naglingkod sa iyang traysikol ang biktima, kalit lang usa ka motorsiklo ang mihunong sa likod niini ug dayon pusil tulo ka higayon.
Daling mipabulhot sa motorsiklo ang drayber sa mamumuno sa wala masayri nga direksyon.
Igo sa likod ang naangkon sa biktima nga gidala pa unta sa Cebu City Medical Center (CCMC) apan nakabsan gyud sa iyang kinabuhi.
Nakuha sa kapolisan sa crime scene ang duha ka basiyo sa kalibre .45 nga pistola nga gituohang gigamit sa gunman. - /GMR) (BANAT NEWS