CEBU, Philippines - Gimandoan ni Cebu City Vice Mayor Edgar Labella ang hepe sa kapolisan sa dakbayan, Senior Supt. Noli Romana, dalion ang pagsilot sa polis nga nasikop sa National Bureau of Investigation nga nangilkil.
Si PO2 Joselito Las Piñas nga nadestino sa Waterfront Police Station mag-atubang og kasong administratiba tungod sa iyang gibuhat.
Matud ni Labella nga lahi usab ang kasong kriminal nga atubangon ni Las Piñas nga ipasaka sa NBI.
Si Labella miingon nga ang kasong administratiba ipasaka sa buhatan sa Ombudsman ug kung mapamatud-ang guilty ang maong polis mahimo siyang matang-tang sa serbisyo.
Iyang gidugang nga ang nahitabo kang Las Piñas usa ka wake-up call alang sa tanang kapolisan nga hinumduman ang gipanumpaan niini atubangan sa katawhan. (BANAT NEWS)