CEBU, Philippines - Gipusil ang usa ka lalaki nga nagsusi unta sa pagpamato sa atop sa iyang panimay sa Bigay Urban Poor, Kagudoy, Basak, dakbayan sa Lapu-Lapu niadtong Huwebes sa tungang gabii.
Napugwat sa iyang pagkatulog si Erwin Alferez, 33, dihang nabati ang linugapak sa mga bato nga mitugpa sa atop hinungdang iyang gigawas aron pagsusi.
Apan wala hiilhing tawo ang misugat ug kalit lang gipusil ang ulo sa biktima kinsa daling gidala sa Mactan Doctors Hospital dili layo sa nahisgutang lugar. (BANAT NEWS)