CEBU, Philippines - Gikiha sa usa ka bana ang usa ka tambalanan diin siya operahi human nga mimubo ang iyang kinatawo human sa operasyon nga nakapaguba sa iyang sex life ug sa iyang kaminyoon.
Matud pa sa taho sa Agence France Presse nga ang maong tawo miduol sa local nga mantalaan sa Canada nga Sun Media ug misugid nga gidala siya sa tambalanan tungod sa fracture appendage. Matud pa nga nakuha niya kini samtang nga nakighilawas siya sa iyang asawa. Human nga gioperahan ang maong lalaki nakabaton og permanenteng ulat sa iyang kinatawo ug mimubo ang iyang kinatawo ug usa ka pulgada. Ang maong lalaki mibasol sa maong operasyon di na niya mabuhat pa nga makighilawas sa iyang asawa nga mibiya kaniya.
Tungod niini nangayo ang maong lalaki og $142, 000 o kapin sa P6 milyon nga danyos sa tambalanan tungod sa pagdanghag niini ug sa di mahulagway nga kaguol nga iyang nahiagoman. (BANAT NEWS)