CEBU, Philippines - Hepe sa General Services Office sa Kapitolyo nagduda sa kapabilidad sa mga polis nga maoy mobantay sa Capitol compound panahon sa gabii kun mamauli na ang mga sakop sa Civil Security Unit (CSU).
Ang Kapitolyo nagkinahanglan karon og augmentation force gikan sa kapolisan human sa pag- pull out sa serbisyo sa Black Pearl Security Agency gumikan sa mga kakulian sa ilang bidding.
Apan si Jone Siegfred Sepe, officer-in charge sa GSO nabalaka sa kahanas sa kapulisan sa night shift kay nagtuo siya nga wala maanad niini nga matang sa trabaho ang kapolisan.
Apan ang usa ka
polis nga may name plate nga “Geolina†nga lider sa augmentation team sa Kapitolyo nagkatawa lang siya sa pamahayag ni Sepe sanglit matud niya gibansay sila sa ingon niini nga matang sa trabaho.
Matud ni Senior Superintendent Noel Gillamac, direktor sa Cebu Provincial Police Office nga kalakip sa mandato kanila mao ang pagbantay sa mga government facilities ug vital installations.
Hinuon temporaryo lamang ang pag-augment sa mga polis sa Kapitolyo hangtod nga makakuha na og security agency ang Kapitolyo. (BANAT NEWS)