CEBU, Philippines - Mga opisyal ug mga kawani sa lokal nga kagamhanan, mga magtutudlo ug mga tinun-an sa publikong tulunghaan sa mga siyudad sa Metro Cebu ang naghiusa sa pagsaulog sa ika- 116th ka tuig nga kasaulogan sa kaugalingnan sa nasud kagahapon.
Sa Cebu City, gihagit ni Mayor Michael Rama ang mga Sugboanon nga batokan ang kurapsyon ug angayang dili kalimtan ang mga sakripisyo sa mga bayani sa nasud.
Iyaha usab gidasig ang mga tawo nga maningkamot ug dili magtinapolan.
Si Rama midalit og pungpong sa buwak ngadto sa monumento sa nasudnong bayani nga si Dr. Jose Rizal.
Samtang sa Mandaue City, si Bise Mayor Glenn Bercede uban sa konseho sa dakbayan, mga barangay opisyal midalit og buwak sa monumento ni Dr. Jose Rizal ug Andres Bonifacio. Dunay grupo nga mipasundayag og kaagi sa mga bayani nga naglakip kanila ni Andres Bonifacio, Dr. Jose Rizal, Apolinario Mabini ug uban pa, nga nakadugang sa kamabulokon sa selebrasyon.
Nagpalahi usab ang Lapu-Lapu tungod sa tema nga gilusad ni Mayor Radaza sa Lapu-Lapu nga brand name nga “Free Yourself†aron i-promote sa kalibutan nga mapasigarbuhon kaayo ang Lapu-Lapu sa mga kaliwat ni Datu Lapulapu nga nakigbisog alang sa unang kaugalingnan.
Gikasubo lamang sa mga taga Lapu-Lapu nga si Datu Lapulapu wala mahatagi og igong bili sa kasaysayan sa nasud. (BANAT NEWS)