CEBU, Philippines - Ang hepe sa Provincial Intelligence Branch miangkon nga nakadawat sila og daghang mga death threats gikan sa wala mailhing texters kinsa gituohan nga mga drug personalities. Si Supt. Rodolfo Albotra Jr., hepe sa PIB, miingon nga hangtud karon duna silay mga death threats hinungdan sa pagpahimangno niya sa iyang mga sakop nga pirmi magmabinantayon.
“Nag-remind nako sa akong tropa nga di gyud mukumpiyansa ilabi na kung padung pauli kay at this time kasagaran mahitabo ang resbak kay relax na man ang pulis kay padung na man mupauli,†matud ni Albotra.
Ang operatiba mikonsiderar karon sa mga drug personalities nga “armed and dangerous†ilabi na sa pagpusil patay kang Sr. Insp. George Caña, hepe sa Ubay Police Station sa Bohol.
Adtong Sabado, nasikop sa PIB si Danileto “Danny†Bontuyan Lopez, 43, nga taga Barangay Cogon, Cordova pinaagi sa buy-bust operation ug nasakmitan kini og drugas nga moabot sa P100,000, drug paraphernalia ug .38 nga pistol ug mga bala.
Sa laing operasyon sa Barangay Matutinao, Badian, nasikop usab sa PIB si Armando Batomalaque Divinagracia, 49, nga nakuhaan og duha ka dagko ug usa ka medium nga pakete sa shabu uban sa drug paraphernalia. (/EIM)(BANAT NEWS)