CEBU, Philippines - Patay ang usa ka 24-anyos nga lalaki human kini pusila sa duha ka mga nagmotor samtang naglakaw sa dalan uban ang hinigugma niini sa Barangay Poblacion Ward I lungsod sa Minglanilla sa miaging gabii.
Ang biktima nga si Nyjeon Trazona Ortega, residente sa maong lugar nakaangkon og daghang samad sa lawas nga miresulta sa iyang hinanaling kamatayon.
Dali kining gidala sa Minglanilla District Hospital apan gideklarar kini nga dead on arrival.
Nakuha sa kapulisan ang upat ka mga kabhang sa bala sa .45 nga kalibre sa pistola sa crime scene apan wala na diha ang mga mamumuno.
Si Sr. Insp. Richard Gadingan, hepe sa Minglanilla Police Station, mibutyag nga wala pa sila makatumbok sa motibo sa maong pagpamusil. (/EIM)(BANAT NEWS)