CEBU, Philippines - Nagpatabang ang bag-ong warden sa Talisay City Jail, Chief Insp. Felipe Montejo, og ayuda sa kagamhanan sa siyudad alang sa livelihood training sa mga piniriso.
Matud ni Montejo nga kabahin sa rehabilitation program ang paghatag og livelihood projects sa mga piniriso samtang naa sulod sa bilanggoan nga magamit sa higayun nga makagawas sa prisohan.
Gibutyag ni Montejo nga girekomendar sa Technical Education and Skills Development Authority (TESDA) ang kabahin sa welding, carpentry ug housekeeping.
Apan ang TESDA dili mohatag sa mga gamit nga gikinahanglan sa trainings hinungdan nga nangayo si Montejo og tabang sa kagamhanan sa dakbayan sa Talisay.
Gipasabot ni Montejo nga limitado lang ang resources sa city jail ug dili sila makaabot sa paghatag sa materyales nga gikinahanglan.
Ang jail warden nanghinaut nga mahatagan og pagtagad ang iyang hangyo. (/GMR)(BANAT NEWS)