200 ka titser gipailawom sa orientation

CEBU, Philippines - Di mominus 200 ka mga magtutudlo ang ipaubos sa orientation sa Department of Education Cebu City Division karong adlawa isip pagpangandam sa nagsingabot nga pagbukas sa klase sa sunod semana.

Matud ni Rhea Mar Angtud , ang Cebu City Division Schools Superintendent miingon nga duha ka adlaw ang maong kalihukan nga tambungan sa mga elementary ug secondary teachers. Dugang ni Angtud nga dinhi sa siyudad nagkuwang gyud og mga magtutudlo hinoon dili kini  babag sa paghatag og edukasyon sa mga tinun-an sanglit mitabang man ang siyudad pinaagi sa pag-hire og dugang magtutudlo nga sila maoy nagpasweldo.

Si Glennferry Jumamoy, usa ka magtutudlo sa Mambaling Night High School miingon nga mahinungdanon kanila ang orientation bisan pa man og dugay na sila nga nagtudlo.

Ang DepEd Cebu City nangangkon nga siyento porsiyento na sila nga andam  sa pagbukas sa klase karong Hunyo. (BANAT NEWS)

 

Show comments