CEBU, Philippines - Subling gitataw ni Kong. Gerald Anthony “Samsam†Gullas, Jr. sa unang distrito sa probinsiya sa Sugbo nga sayop ug wala’y kamatuoran ang listahan ni Janet Lim Napoles kabahin sa pork scam.
Si Gullas kinsa maoy Assistant Majority Floor Leader mipadangat na og suwat kang Justice Sec. Leila de Lima sa pagpangayo og appointment aron paglimpiyo sa iyang pangan.
Si Gullas kinsa niadtong Hulyo 1, 2013 lang milingkod sa katungdanan mihimakak sa pasangil nga nakig-deal siya kang Cheryl “Cheche†Yarra nga giingong agent ni Napoles.
Matud ni Gullas wala siya kaila ni Yarra nga labi pa nga wala pa siya sa Kongreso dihang mitumaw ang kontrobersiya sa Priority Development Assistance Fund.
Dugang ni Gullas nga sa paglingkod niya isip kongresista, gitangtang na ang PDAF human gideklarar sa Korte Suprema nga unconstitutional. (BANAT NEWS)