CEBU, Philippines - Ang Department of Environment and Natural Resources (DENR) mipasaka na og kasong kalapasan sa Presidential Decree 705 kon “Forestry Reform Code batok kang Mayor Edsel Galeos sa lungsod sa Argao.
Kini human giingong pagpaputol ni Galeos sa 347 nga punoan sa kahoy alang sa implementasyon sa iyang programa nga “mountain road†o pagbutang og karsada sa mga bukirang barangay diha sa ilang lugar.
Si Galeos kinsa nagpatukod og farm-to-market road alang sa mga residente diha sa Barangay Jampang nagkanayon nga walay katungod ang DENR nga pugngan ang lungsod sa pagbuhat og karsada alang sa kaayohan sa tanan.
Ang mga residente sa maong lugar dili na unya molakaw og tulo ka kilometro aron lang magsag-ob og tubig nga ilang mainom.
Subay niini, si Gobernador Hilario Davide,III nagkanayon nga andam siyang makigtagbo kang Galeos ug sa DENR aron tukion ang maong problema.
Matud ni Davide nga kinahanglang balansehon ang kalamboan ug ang pagpreserba sa kalikupan pinaagi sa pakig-alayon o pagkonsulta sa mga ahensiya sa gobiyerno nga hingtungdan. Dugang ni Davide nga dili siya gustong mohatag og espekulasyon kabahin sa mamahimong resulta sa kaso. (/BDB)(BANAT NEWS)