CEBU, Philippines - Gibasura sa korte ang gidusong reklamo sa presidente sa Talisay City College (TCC) nga si Richel Bacaltos batok ni Talisay City Mayor Johnny De los Reyes ug Dr. Paulus Mariae Cañete tungod sa “lack of jurisdiction†sa maong petisyon.
Si Bacaltos ang gitudlo sa Board of Trustees (BOT) nga presidente sa TCC samtang si Cañete maoy gitudlo ni De los Reyes nga presidente sa maong tunghaan puli kang Bacaltos apan gikwestyon kini sa naulahi. Si De los Reyes ug Cañete miduso og Motion for Reconsideration sa pagbasura sa nahisgutang petisyon ni Bacaltos nga gidungog usab sa korte.
Niadtong Mayo 20, 2014 si Regional Trial Court (RTC) Judge Estela Alma Singco sa Branch 12 mipagawas og kamandoan pagbasura sa reklamo ni Bacaltos.
Gipasabot ni Singco nga ang TCC usa ka government institution ug dunay kaugalingong charter ug ubos kini sa Civil Service Commission (CSC).
Ang CSC maoy dunay jurisdiction kabahin sa disciplinary cases ug sa kasong naglambigit sa certification, promotion, transfer, reinstatement, reemployment, detail, reassignment, demotion ug separation sa mga kawani sa gobiyerno.
Matud ni Singco nga si Bacaltos didto unta kini unang miduso sa iyang reklamo sa CSC nga maoy dunay primary jurisdiction sa mao niyang reklamo. (BANAT NEWS)