CEBU, Philippines - Gidakop sa kapolisan ang usa ka tawo nga naaktohang ilegal nga namuhat og armas sa sulod sa payag sa Barangay Masaba, Dakbayan sa Danao niadtong Lunes.
Ang nadakpan mao si Jerry Roble Bariga, 43, nagpuyo sa maong dapit. Ang grupo nila ni PO3 Fiel Restauro, PO2 Jomar Salomon ug PO1 Rene Catamora maoy nakadakop sa suspek.
Nakuha gikan kaniya ang mga electrical drill, grinder, gabas alang sa puthaw, mga nagkadaiyang hinimo nga sumbohan sa kalibre .45, ug .9mm.
Matud pa nakadawat og impormasyon ang kapolisan bahin sa pagpanghimo sa suspek og parte sa armas hinungdan gilusad ang maong operasyon. (BANAT NEWS)