CEBU, Philippines - Ang presidente sa Integrated Bar of the Philippines - Cebu City Chapter nga si Mae Elaine Bathan miingon nga ang IBP wala namolitika sa pagsuporta nila nga ang husay sa kaso batok sa mga suspetsado sa pagbanhig ug pagpatay ni Atty. Noel Archival anhi ra himoa sa Sugbo.
Ang pamahayag ni Bathan iyang giluwatan agi og reaksyon sa pamahayag ni Atty. Inocencio dela Cerna, abogado sa mga sakop sa PNP Highway Patrol Group-7 nga akusado pagpatay ni Archival, nga wala makagusto nga ang IBP misuporta sa awhag sa kabanayan sa biktima.
Ang mga paryente ni Archival miawhag sa Department of Justice (DOJ) nga ang preliminary investigation sa kaso anhi himoa sa Sugbo.
Matud ni Bathan nga wala gayud sila namolitika sukwahi sa pasangil abi kay ang igsuon ni Atty. Archival usa man ka konsehal sa dakbayan sa Sugbo.
Si Bathan nagtuo nga ang pagbalhin sa preliminary investigation didto sa DOJ-Manila makapalangay sa dagan sa imbestigasyon ug posible pa nga mabutang sa peligro ang mga testigos ug ebidensya.
Apan ang mga sakop sa HPG-7 nabalaka usab sa sangpotan sa kaso kun anhi kini husaya sa Sugbo kay sayod sila nga inpluwensyado ang mga Archival diha sa hukmanan. (/RUB)(BANAT NEWS)