CEBU, Philippines - Aprobado na sa konseho sa dakbayan sa Sugbo ang pagtugot kang Mayor Michael Rama sa pagpirma sa kontrata tali ni Dr. Reynette Christine Ligaray isip consultant sa Clinical Laboratory and Pathology Services sa City Health Department nga adunay P12 mil nga binuwan nga sweldo.
Ang resolusyon nga gipangamahan ni Konsehal Leah Japson gikwestiyon una ni Konsehal Margot Osmeña nunot sa kaubos sa sweldo nga gitanyag kang Dr. Ligaray.
Giingong layo ra kini sa gitanyag nga P18 mil kang Dr. Shawn Espina kinsa nibalibad nga mahimong consultant ni Rama.
Matud ni Japson nga wala ra moreklamo si Ligaray sa maong kantidad isip iyang tabang na lang usab ngadto sa dakbayan ang iyang pagserbisyo.
Dunay plano nga sunod kontrata ni Ligaray patas-an na ang iyang binuwan nga sweldo ngadto na sa P18 mil. (BANAT NEWS)