CEBU, Philippines - Hepe sa Regional Investigation and Detective Management Branch, Senior Superintendent Rey Lyndon Lawas, mitambag sa hepe sa Cebu City Police Office nga mas maayo unahon na lang pagsulbad ang krimen sa siyudad inay kwestyonon kun sakto o sayop ang migawas nga crime statistic.
Mao kini ang giluwatan nga pamahayag ni Lawas human nga giinsister sa hepe sa CCPO nga si Senior Superintendent Noli Romana nga angayan pa nga i-validate ang maong statistic report kay sayop ang nahatag nga mga data sa mga hepe sa kapulisan.
Si Lawas miingon nga ilang paabuton ang himoon nga imbestigasyon sa CCPO may labot na sa mga hepe nga mihatag og sayop nga impormasyon.
Duna sa’y nakita nga sipyat ang opisyal kung tinuod man nga sayop ang maong report kay nganong nakaabot kini sa iyang buhatan nga wa tan-awa og maayo ni Romana.
“They have to access the situation and find ways and means on how to address the increasing crime trend, by way on the field or on the ground, try to evaluate the deployment of their personnel kung asa gyud ang effective deployment of personnel,†matud pa ni Lawas.
Matud pa ni Lawas nga ang pagkorehir sa estatistika di pareho sa pagpatuman og bag-ong estratehiya sa aktwal nga sitwasyon.
Si Romana miinsister nga ang pagsaka sa crime rate sa 1st quarter sa tuig 2013 kompara sa 1st quarter sa 2014 dinhi sa dakbayan sayop, gimando niya ang pag-imbestigar ug pangita-on ang mga hepe sa kapulisan nga mihatag og sayop nga impormasyon. (BANAT NEWS)