CEBU, Philippines - Wala nay kinabuhi nga napalgan samtang nagbitay ang usa ka 41 anyos nga lalaki sulod mismo sa iyang pinuy-anan sa Barangay Don Andres Soriano (Lutopan), dakbayan sa Toledo.
Si Ignacio Narandan giingong naghikog gamit ang nylon nga pisi nga gihigot sa liog ug ang pikas tumoy gihigot sa kisame.
Sa imbestigasyon nila ni PO3 Elbert Dolino ug PO3 Jun Ian Alqueza sa Don Andres Soriano police sub-station nasayran nga dugay nang gibiyaan ang biktima sa iyang asawa ug anak nga maoy gituohang hinungdan nga naguol kini pag-ayo ug misangpot sa paghunos sa kinabuhi.
Wala hinoo’y nakitang foul play ang kapolisan sa maong panghitabo. (BANAT NEWS)