CEBU, Philippines - Negatibo ang resulta sa laboratory test pagsusi kun nataptan og Middle East Respiratory-Syndrome Coronavirus kon MERS-CoV ang katapusang pasahero nga nalista sa manifesto gikan sa Abu Dhabi sa miaging buwan. Ang maong pasahero gi-release na sa ospital niadtong Sabado.
Matud ni DOH 7 Regional Epidemiology and Surveillance Unit chief Renan Cimafranca, nahurot na og eksamin ang tanang nalista sa manifesto nga giingong naa diri sa Central Visayas.
Giklaro ni Cimafranca nga wala mitago ang katapusang pasahero. Ang kadugay sa pagkakaplag niya resulta sa iyang kadaghan sa kaparehas niya og pangalan.
Apan dili gihapon sila mohunong og pag-monitor sa uban pang mga pasahero nga naabot gikan sa Middle East.
Mitug-an sab si Cimafranca nga aduna’y nalista sa manifesto nga walay gibutang nga address hinungdan nga dili usa sila mag-relax tungod aduna gihapo’y posibilidad nga sa 400 ka pasahero ug crewmembers, aduna pa siguroy taga Region 7. (BANAT NEWS)