CEBU, Philippines - Usa ka special child ang nakit-an nga wala nay sapot sa lawas nga giingong gimolestiya sa duha ka mga lalaki sa barangay Poblacion lungsod sa Asturias.
Ang maong biktima nagpangidaron og 18-anyos nga babaye nga naghilak ang nakakuha og atensiyon sa nag-roving nga mga barangay tanod .
Nasikop hinuon ang mga gitumbok nga suspek kinsa naaktuhan nga mao pay pagsul-ob og balik sa shorts niini nga sila si John Steppen Maso, 20, minyo walay trabaho ug Gemar Castro, 19, pulos residente sa Barangay Poblacion, Asturias.
Matud ni PO3 Dianna Molihon ang Women’s Desk officer nga nahinabi sa Banat News nga naaktuhan si Maso nga mao pay pagsul-ob og balik sa iyang shorts ug nakita usab nila ang biktima nga naghilak nga pang-ibabaw nalay gisuot.
Gihinganlan usab sa biktima si Castro nga apil usab sa miamong-among kaniya. (BANAT NEWS)