CEBU, Philippines - Nangayo og pasaylo ang Phoenix Petroleum Philippines, Inc.human gipirmahan ni Mayor Michael Rama ang pagkanselar sa ilang kontrata nga maoy mo-supply og lana sa siyudad sa Sugbo. Ang Assistant Vice-President- Sales Visayas sa Phoenix nga si Richard C. Tiansay mihangyo ngadto sa buhatan ni Rama nga ang tanan nahitabo tungod sa wala pagkasabot sa duha ka partido.
Misaad si Tiansay sa maong suwat nga paninguhaon nila nga dili na mausab ang maong insidente ug mihangyo sa permiso sa mayor nga padayunon nila ang pagserbisyo sa siyudad sa Sugbo.
“First and foremost, I think it was good enough that Mayor received them and I left them with the statement that I always claim that I have long memory and short tempered and I always abide by what is transparent and being accountable so it has never been my cup of tea to run after and make vengeance as my problem of the day because if there is utang, naa man ju’y utang sad, but I wish that is a matter that would have been handled better than what it was,†matud pa ni Rama sa iyang presscon kabahin sa maong hitabo kagahapong adlawa.
Nagkanayon si Rama nga pila na ka milyones ang nagasto sa siyudad sa Sugbo isip bayad sa gisuplay nga petrolyo sa maong kompanya, maisip nga ang pagkahimong kustomer sa siyudad usa na unta kini ka dakong oportunidad sa Phoenix. Hinuon si Rama nagkanayon nga kanunay siya nga bukas sa pagpakighinabi sa mga kadagkuan sa Phoenix aron hisgotan ang maong butang.
Matud pa ni Rama nga ang pagsalig ug maayong negosasyon usa sa iyang gitan-aw nga basehan aron sa pagtan-aw kung angayan pa ba nga mopadayon ang Phoenix sa pag-supply og lana dakbayan.
Hinuon ang mayor miingon nga daghan kaayo silang butang nga angayang hatagan pagtagad ug wala na siyay panahon aron motanom og pagdumot o kalagot ni bisan kinsa. (BANAT NEWS)