CEBU, Philippines - Si Talisay City Administrator John Yre De los Reyes naglaum nga masulbad na unya ang problema sa baha diha sa Barangay Cansojong ug Poblacion, Talisay.
Matud ni De los Reyes nga ang National Disaster and Risk Reduction Management Council (NDRRMC) nagpadala og representante sa Talisay nga nagsusi sa program of works sa drainage project gikan sa Barangay Poblacion ngadto na sa Barangay San Roque.
Ang mga molupyo sa Cansojong ug Poblacion, Talisay dugay na nga nag-antos sa baha panahon sa ting-uwan kay ang mga kanal nga agianan unta sa tubig nalibon na kay giabunohan ug gitukoran na og kabalayan.
Kun kusog ang ulan, ang tubig-baha moabot sa taga tuhod ang giladmon ug molanat pa pipila ka adlaw usa pa kini mohubas nga makahatag og peligro nga mokuyanap ang sakit gikan sa dengue ug leptospirosis. (BANAT NEWS)