CEBU, Philippines - Nasikop sa mga sakop sa Mambaling Police Station kaniadtong Miyerkules sa hapon ang usa sa mga suspetsado’ng tulisan sa mga pasahero sa passenger jeepney. Ang suspetsado mao si Gilbert Labitad alyas “Boraxâ€, 24, residente sa Sitio Lawis, Alaska-Mambaling.
Si Labitad giingong maoy suspetsado pagpatay sa usa ka Roel Ybañez sa milabay’ng semana ug sa usa ka Ryan Dela Cruz niadtong 2012. Sila si SPO2 Rene Sebes, SPO1 Jenifer Velasco, PO3 Carlo Magno Jimenez, PO3 Lester Dajao, PO2 Raymond Aballe ang miresponde sa report kabahin sa usa ka tawo nga armado didto sa Sitio Lawis.
Matud pa nga naaktohan sa mga polis ang suspetsado nga nagbarog sa daplin sa karsada nga giingon’g nagbit-bit og kalibre .357 Magnum revolver ug misuway unta pagdagan sa pagkakita sa mga polis apan nagunitan kini ni PO2 Aballe. Ang armas nga nasakmit gikan ni Labitad adunay tulo ka bala. Gibutyag sa mga polis nga si Labitad miyembro kini sa robbery hold-up gang nga “Negro Group†nga maoy responsable sa pagpanulis sa mga pasahero sa PUJ diha sa lugar. (BANAT NEWS)