CEBU, Philippines - Gibaharan sa Tokyo ang China human gisakmit ang ilahang barko sa Shanghai isip bayad sa utang niadtong wa pa ang Ikaduhang Kalibotanong Gubat.
Gisakmit sa kadagkuan sa Shanghai ang mga dagkong sakyanang pandagat sa Tokyo tungod sa giingong wala mabayri nga utang kabahin sa pag-okupar sa Japan sa China niadtong 1930s, sumala pa sa report sa Agence France Presse. Ang pagsakmit sa maong mga sakyanang pandagat nagpakita sa dili maayung relasyon sa Tokyo ug Beijing nga nagkabingkil karon tungod sa panag-ilogay sa usa ka isla sa East China Sea.
Miingon ang Shanghai Maritime Court niadtong Sabado nga gisakmit ang Baosteel Emotion nga gipanag-iya sa Mitsui O.S.K. Lines aron sa pagpatuman sa desisyon sa korte nga gipagawas niadtong Disyembre tuig 2007.
“The arrested vessel will be dealt with by the law if Mitsui O.S.K. Lines , Ltd. still refuses to perform its obligations,†matud pa sa Maritime Court.
Matud pa sa media sa China ug Hongkong, ang pagsakmit naglambigit sa hukom sa korte sa Shanghai nga miingong ang Mitsui kinahanglang mobayad og 2.9 billion yen (28 million dollars) nga naglambigit sa pagpaabang sa duha ka barko 80 ka tuig na ang milabay. (BANAT NEWS)