CEBU, Philippines - Patay ang usa ka manager nga British national human kini gipusil sa guwardiya niadtong Sabado sa gabii diha sa sitio Tawigan, barangay Lugon, Daanbantayan.
Giila ang biktima nga si Anthony Gilchrist, 34, tag-iya ug manager sa Fish Buddies Dive Shop Resort sa nahisgutang lugar.
Base sa imbestigasyon sa kapolisan, ang suspek nga si Melchor G. Alciso Jr., 42, lumad nga taga barangay Cabulisan, Hinungdanan, Southern Leyte mo-report na unta sa iyang duty sa nahisgutang resort. Sumala pa nga giduol kini ni Gilchrist ug gikasab-an kini kabahin sa iyang pagtrabaho nga miresulta na hinuon sa mainiton nila nga panaglalis.
Si Alciso wa makaagwanta sa maong pagkasaba kaniya mibunot sa iyang armas ug gipusil niini ang biktima diha sa ulo ug nagkalain-laing bahin sa lawas niini gamit ang iyang service firearms nga .38 kalibre nga rebolber.
Daling gidala sa Daanbantayan District Hospital ang biktima apan gideklarar kining dead on arrival tungod sa grabeng pinusilan nga iyang nahiaguman.
Nakuha sa kapolisan diha sa crime scene ang .38 kalibre nga rebolber nga maoy gigamit sa suspek nga may sud nga unom ka kabhang niini sa tambor.
Ang maong suspek mitahan hinuon dayon sa kapolisan nga miresponde ug kasamtangan nga gibalhog sa Daanbantayan Police Station ug gikatakdang pasakaan og kaso karong adlawa diha sa Cebu Provincial Prosecutors Office. Si Daanbantayan Mayor Augusto Corro sa gipadalang press statement sa Banat News miingon nga “isolated incident†lang ang maong hitabo ug gimando na niya ang lawom nga imbestigasyon sa maong kaso. Naguol hinuon ang mayor tungod kay nahitabo kini nga panahon sa tingbakasyon ug daghang turista ang nangabot sa isla.
“The island is one of Cebu’s top tourism destinations. It is unfortunate that this incident happened at a time when the island was brim-filled with tourists being a Holy Week,†matud pa sa mayor.
Dugang pa ni Corro nga ang isla kasamtangan pang nibangon gikan sa pagkagusbat niini gikan sa super typhoon Yolanda sa milabay’ng tuig, hinuon 80 porsiyento na sa turismo sa isla ang nabalik na sa operasyon. (BANAT NEWS)