CEBU, Philippines - Ang gwardya sa disco bar nga gitionan og armas sa usa sa tulo ka hubog nga sakop sa Philippine Army (PA) nahadlok nga mokiha mao nga gibuhian ra ang mga dinakpan.
Si Garido Ampong mihukom nga dili na mopasaka og kaso batok ni Private First Class (PFC) Leand Bryce Nemil Aujero, 26, lumad nga taga Zamboanga City kay samokan na siya og kaso.
Bisan ang security agency ni Ampong dili usab interesado nga mopasaka og kaso sa mao nga sundalo.
Gawas ni Aujero, gitanggong usab sila si PFC Lovy De La Cruz ug PFC Aljun Diocana nga matud pa mga sakop sa Intelligence Service of the Armed Forces of the Philippines (ISAFP) human sila nagmaoy sulod sa disco bar ug nanion og armas.
Ang mao nga mga sundalo mag-atubang na lang og administrative investigation sa Judge Advocate General’s Office (JAGO) sa Central Command diin sila madistino. (BANAT NEWS)