CEBU, Philippines - Nabantayan nga menos ra ang mga pasahero nga mitabok sa dakbayan sa San Carlos, Negros Oriental agi sa pantalan sa dakbayan sa Toledo.
Matud sa usa ka kawani sa shipping company nga nagbiyahean sa San Carlos ug Toledo nga usa sa ilang barko nga adunay capacity nga 682 passengers moabot lang sa 300 ngadto sa 400 ang mosakay.
Adunay duha ka barko nga magbanus-banos sa pagbiyahe sa Toledo ug San Carlos ug sila mohimo’g lima ka biyahe mata’g adlaw. Gitan-aw nga hinungdan sa pagmenos sa pasahero mao ang sayo nga bakasyon sa mga estudyante nga una nang namauli sa nakalabay’ng mga semana. (BANAT NEWS)