CEBU, Philippines - Gihimakak sa Criminal Investigation and Detection Group-7 ang alegasyon nga dunay P1.5 milyon nga kwarta ang magtiayon nga Benito ug Wilma Tiamzon dihang ilaha silang nadakpan niadtong Marso 22, 2013 sa lungsod sa Aloguinsan.
“That’s a blatant lie,†sumala pa ni Sr. Supt. Ritchie Posadas ang regional chief sa CIDG7 dihang gipangutana sa mga tigbalita sa maong pamasangil sa kampo sa magtiayong gitumbok nga tag-as nga opisyal sa Communist Party of the Philippines-New People’s Army.
Si Posadas miingon nga mismo si Rex Castillo ug si Nona Villaflor mipirma sa inventory nga gihimo sa CIDG-7 atol sa ilang pagkasikop.
Matud ni Posadas nga P13 mil lang ang nakuha nila nga kwarta sa Innova ug sa Starex nga gisakyan sa mga Tiamzon ug sa kaubanan niini ug ilaha na kining gi- turnover kang Villaflor.
Wa masayod si Posadas kung asa gikan ang maong mga taho nga dunay P1.5 milyon ang sakyanan sa mga Tiamzon. Kagahapon sa udto gipakita niya sa mga sakop sa media ang duha ka mga sakyanan nga maoy gigamit sa magtiayon nga Tiamzon ug diin anaa pa ang mga personal nga gamit sa mga sakay niini.
Matud pang Posadas kun buot kining kuhaon sa pamilya sa mga Tiamzon magpakita lang sila og proper identification ug proof of ownership sa maong mga butang aron ila kining iturn-over ngadto kanila. Samtang ang tigpamaba sa AFP Central Command Lt. Jim Alagao nagkanayon way kamatuoran ang pamasangil.
“What the Tiamzons are saying is completely false. As a matter of fact, the recovered money and other items were accounted properly, with witnesses," dugang pa ni Alagao. (BANAT NEWS)